मस्त चारोल्या

• एकटं जगताना कधी गरज भासते सोबतीची ... जमत जाते दोस्ती, जुळत जातात नाती, एक वेळ येते वाटंत, बरी होती वाट एकट्याची !!
• जीवन असच जगाव दु:ख विसरुन सुखाकडे पळाव पळता पळता ठेच लागली की फक्त आई ग....म्हणाव जीवन असच जगाव
• राहुन-राहुन मला तिची आठवण येते, माझ्या सर्वांगाला शहारुन जाते, ती आता सोबत नाही माझ्या, या वास्तवानेच मला रोज जाग येते
• पाऊस तिला आवडायचा, तिच्या सोबत ब्रसताना तोही बागडायचा, तोही माझ्या सारखा तिच्या प्रेमात पडलेला, जमीनीवर आदळतानाही हसतच रहायचा
• मनातही मन गुंतुन जात जेव्हा मनातल्या आठवणी मन आठवत राहत ते मनालाही कळत नाही।।
• क्षितीजापलीकडॆ पाहण्याची दॄष्टी असेल तर क्षितीज नक्की गाठता यॆत ... आपल्या रक्तातच धमक असॆल तर जगंही जिंकता यॆत ...

Ek chan vichar

One more Kavita

एक छान कवीता

आठवतं तुला ?

आठवतं तुला त्या भेटीत

रिमझिम सरींनी छेडलं होतं .

भर दुपारी मला जणू

चांदण्याने वेढलं होतं .

आठवतं तुला त्या भेटीत

श्रावण धुंद बहरला होता .

ओल्या ऋतूत ओल्या स्पर्शाने

ओला देह शहारला होता .

आठवतं तुला त्या भेटीत

दोघे व्याकुळ झालो होतो .

तुझा गंध वेचता वेचता

मीही बकुळ झालो होतो .

आठवतं तुला त्या भेटीत

भावनांनी कविता रचली होती .

माझ्या डोळ्यात तू अन

तुझ्या डोळ्यात मी वाचली होती.

आठवतं तुला त्या भेटीत

आणखी काय घडलं होतं ?

मला स्मरत नाही पुढचं

बहुतेक तेव्हाच स्वप्न मोडलं होतं .



- संदिप खरे